"Ертіс өзені арқылы өтетін көпір өткелі" - Астананы Павлодар және Өскемен қалаларымен байланыстыратын "Қазақдорстрой" дивизионы іске асырған күрделі инновациялық жоба.

Көпірдің эстакадалық бөлігінің құрылыс ұзындығы 3 243,2 метрді құрайды. Он екі километр созылған көпір өткелі Омбы – Павлодар – Майқапшағай және Ақсу – Ленинский автомобиль жолдарын байланыстырады.

Және бұл көпір өткелі Орталық Азиядағы ең ұзын болып табылады.

Компания көпір құрылысында тек заманауи шешімдерді қолдана отырып, құрылыстың жаңа технологиясын ұсынды. Бұл жаңа технология құрылыс мерзімін он екі айға қысқартуға, көпір құрылысын бекітілген құн шеңберінде аяқтауға, тереңдету жұмыстарына қосымша шығындардан бас тартуға, сондай-ақ,  жұмыстың қоршаған ортаға теріс әсерін азайтуға мүмкіндік берді.

Бұл көпір құрылымында кез-келген ауыр жүк пойыздары жүре алады. Көпір өткелі маңайындағы мекендердің транзиттік әлеуетін арттыра отырып, басқа өңірлермен арадағы экономикалық байланыстарды айтарлықтай жақсартуға көмектесті.