Проектілерге
Hampton by Hilton Turkistan
Проект туралы

Қонақүй кешені Түркістанның мәдени және рухани орталығында, ЮНЕСКО-ның Бүкіләлемдік мұралар тізіміне енген тарихымыз бен төл мәдениетіміздің ескерткіші Қожа Ахмет Ясауи кесенесіне жақын жерде орналасқан.


Кешеннің қасында Ұлы дала орталығы мен Visit Centre Turkistan орналасқан. Қаланың халықаралық әуежайына жылдам жетіп, қонақүйден әуежайға дейін бар болғаны 15 шақырым жерде орналасқандығы кешенің артықшылығы болып табылады.


Hampton by Hilton Turkistan-ның сыртқы беті Марокко стилінде жасалғандықтан, XIV ғасырдың ескі қам кірпіштен соғылған ғимаратын еске түсіреді.


Қонақүйдің құрылысы 2019 жылдың қараша айында басталды. Hampton by Hilton Turkistan аумағы жеке тұрған Top Tobe банкет кешенін қоса алғанда шамамен 9000 шаршы метр жерге созылып жатыр. Turkestan Grand Hall банкет кешені 360 адамға арналған залдан, екі VIP бөлмеден, жазғы террассалар мен коммерциялық бөлмелерден тұрады.


Қонақүйде 19 000 теңгеден басталатын бір және екіорынды стандарт санатындағы бөлмелерде 120 орын бар. Қонақүйде мүмкіндігі шектеулі жандарға арналған бөлмелер де қарастырылған. Тұру құнына фирмалық таңғы ас, тренажер залына бару, бүкіл аумақта тегін Wi-Fi, сондай-ақ конференц-зал қызметтерін пайдалану кіреді